Abdullah Tamamlar – Bin İki Yüz Kırka
Abdullah Tamamlar Bin İki Yüz Kırka İlahi Sözleri
Sayfamız da düzenlemiş olduğumuz Abdullah tamamlar bin iki yüz kırka ilahi sözlerini bulabilirsiniz. Sizde yazımızın devamına giderek, Abdullah tamamlar bin iki yüz kırka ilahi sözlerini takip ederek sosyal ağlarınız da paylaşabilirsiniz. En güzel Abdullah tamamlar bin iki yüz kırka ilahi sözleri için bizleri sosyal ağlarımızdan takip ederek, beğendiğiniz ilahi sözlerine ulaşabilirsiniz. Bir çok yeni Abdullah tamamlar bin iki yüz kırka ilahi sözlerini sitemiz aracılığı ile bulabilir vede paylaşabilirsiniz.
Bin iki yüz kırka irdi dahi dörde salimiz,
Dinle sana söyleyeyim noldı bizim hâlimiz.
Yaşım altmış ikiye olmış-ıdı baliğ henüz,
Toldı ekdâr ile dünyâ artdı pek ahvâlimiz.
Her tarafda fitne uyandı katı çoğaldı here,
Gözimize hîç görinmez oldı mülk ü mâlımız.
Fürce buldı çün bu târîhde katî a’dâ-yı dîn,
Fitneden oldı belürsiz gadvimiz âsâlimiz.
İtmez oldı nâs biribirine re’fet merhamet,
Fark olunmaz ehl-i ilm ü fazl-ıla cühhâlimiz.
Bahr-i ebyaz bahr-i esvedde selâmet kalmadı,
Bu sebeb ile perîşân oldı pes ahvâlimiz.
Hak Te’âlâ bozdı bize virdiği ni’metleri,
Çünki bozuldı bizim etvârımız ef âlimiz.
Emr-i dînde gafil olduk emr-i dünyâda gayur,
Var Hudânıfi buyruğın tutmakda hem ihmâlimiz.
Ahiret kaydın yimez olduk unutduk mevti hem,
Rûz u şeb tedbîr-i dünyâdır hemân eşgâlimiz.
Hak rızâsi’çün ‘ilim tahsîline sa’y itmeyiz,
İzzet-i dünyâ içündür ‘ilmimiz a’mâlimiz.
Ağniyâmız cem iderler hırs-ıla sîm ü zeri,
Hîç dimezler ömrimiz az pek yakın âcâlimiz.
Hayra bir dînân virmezler hezâr pend eyleseñ,
Şerre biñ dînâr virirler lağv olur akvâlimiz.
Gıll u gış sirkat hıyanet ekser-i nâsın işi,
Gâlib oldı zümre-i ahyâra pes erzâlimiz.
Bir kişi hayr işlese hîç kimse itmez ittibâ,
Ehl-i şerre tâbi’ olur fevc fevc ecyâlimiz.
Kahve enfiyye tütün efyûn hamir buldı şüyu
Bu ecilden oldı müzdâd gün-be-gün belbâlimiz.
Adeti ebnâ’-yi vaktin gâlibâ fısk u fesâd,
Söylemekde çok hatar var salim ancak lâlimiz.
Giyüben erler harîri benzediler zenlere,
Bunları gördikce vîrân oldı cism-i bâlimiz.
Uzlet itdik gönlimizde yok ise de hîç huzur,
İtdiler heb ihtifâ ebrârımız ebdâlimiz.
Ol Hudâdan dileriz ki bizi ıslâh eyleye,
Afv ide hem cürmimizi añadur idlâlimiz.
Hem şefî ide habîbini şu biz gümrâhlara,
Bulavuz gamdan selâmet biz dahi emsalimiz.
Aña uyub gidevüz ol Hazret-i Gaffara hem,
Mâsivâsından geçüb aña ola ikbâlimiz.
İsm-i Gaffar eyle Kuddûsî tefe’ül eyleyüb,
Didi kim elhamdülillah kâl-ı zîbâ kâlimiz.